ગુજરાતમાં ૧૬ ઓક્ટોબરે લોકોના મોબાઇલમાં ટેસ્ટિંગ મેસેજ આવશે: ચિંતિત થવાની જરૂર નથી
મોબાઇલમાં કુદરતી આપત્તિથી બચવા-સાવચેતી અંગેના ટેસ્ટિંગ મેસેજ આવશે તેનાથી કોઈએ ગભરાવાની- ચિંતિત થવાની જરૂર નથી
- ગુજરાત સરકારે એક યાદી દ્વારા જણાવ્યું છે કે સમગ્ર રાજ્યમાં તા.૧૬ ઓક્ટોબર ૨૦૨૩ સોમવારના રોજ સવારે ૧૧.૦૦ કલાકે ‘Large Scale Testing of Cell Broadcast’ થનાર છે.
સેલ બ્રોડકાસ્ટ એલર્ટ સિસ્ટમ એ મોબાઈલ ઉપકરણો પર વિવિધ કુદરતી આપત્તિની મહત્વપૂર્ણ માહિતી મોકલવા માટેની સુવિધા છે.
મહત્વપૂર્ણ સૂચના: તમને તમારા મોબાઇલ પર કટોકટીની પરિસ્થિતિ વિશે અલગ અવાજ અને વાઇબ્રેશન સાથેનો ટેસ્ટ સંદેશ પ્રાપ્ત થઈ શકે છે. કૃપા કરીને ગભરાશો નહીં, આ સંદેશ સાચી કટોકટીનો સંકેત આપતો નથી. આ સંદેશ આયોજિત ટ્રાયલ પ્રક્રિયાના ભાગરૂપે નેશનલ ડિઝાસ્ટર મેનેજમેન્ટ ઓથોરિટીના સહયોગથી ભારત સરકારના ટેલિકોમ્યુનિકેશન વિભાગ દ્વારા મોકલવામાં આવી રહ્યો છે
હવામાનની વિવિધ ગંભીર ચેતવણીઓથી લઈને સ્થળાંતર,બચાવ કામગીરી જેવી સૂચનાઓ મોબાઈલ ઉપકરણો દ્વારા જાહેર જનતાને સલામતી માટે મોકલવામાં આવે તેની આ સુવિધા અંગેના ટેસ્ટીંગ મેસેજ મોબાઈલ ઉપર સોમવારે સવારે અગિયાર વાગ્યે પ્રસારિત થશે.
“આ સેમ્પલ ટેસ્ટિંગ મેસેજ” હશે જે ભારત સરકારના ટેલિકોમ્યુનિકેશન વિભાગ દ્વારા સેલ બ્રોડકાસ્ટિંગ સિસ્ટમ દ્વારા મોકલવામાં આવશે. સોમવારે આવનાર આ મેસેજ- સંદેશને લોકોએ અવગણવાનો રહેશે. તે અંગે મેસેજ મેળવનાર નાગરિકો તરફથી કોઈ પગલાં લેવાની કે ચિંતા કરવાની જરૂર નથી.
આ સંદેશ નેશનલ ડિઝાસ્ટર મેનેજમેન્ટ ઓથોરિટી દ્વારા લાગુ કરવામાં આવી રહેલી સમગ્ર દેશની ઇમરજન્સી એલર્ટ સિસ્ટમના પરીક્ષણ માટે મોકલવામાં આવવાનો છે. કટોકટી દરમિયાન સમયસર ચેતવણી આપીને જાહેર સલામતી વધારવા તેમજ જાનહાનિ અટકાવવાના ઉદ્દેશ્ય સાથે ભવિષ્યમાં આ વ્યવસ્થા અમલી બનાવવામાં આવનાર છે તેના પરીક્ષણના ભાગરૂપે આ મેસેજ મોકલવામાં આવનાર છે તેમ સ્ટેટ ઇમરજન્સી ઓપરેશન સેન્ટર, ગાંધીનગરની યાદીમાં જણાવાયું છે.
ઉલ્લેખનીય છે કે,નેશનલ ડિઝાસ્ટર મેનેજમેન્ટ ઓથોરિટી- NDMA દ્વારા SACHET પોર્ટલ વિકસાવવામાં આવ્યું છે. આ પોર્ટલ થકી જાહેર જનતાને ડિઝાસ્ટર સંબંધી મેસેજ અલગ અલગ માધ્યમથી મોકલી શકાય છે.
—————– “TESTING MESSAGE sent through Cell Broadcasting System by Department of Telecommunication, Government of India. Please ignore this message as no action is required from your end. This message has been sent to test Pan-India Emergency Alert System being implemented by National Disaster Management Authority. It aims to enhance public safety and provide timely alerts during emergencies. “ —————–
“यह भारत सरकार के दूरसंचार विभाग द्वारा सेल ब्रॉडकास्टिंग सिस्टम के माध्यम से भेजा गया एक नमूना परीक्षण संदेश है। कृपया इस संदेश पर ध्यान न दें क्योंकि इस पर आपकी ओर से किसी कार्रवाई की आवश्यकता नहीं है। यह संदेश राष्ट्रीय आपदा प्रबंधन प्राधिकरण द्वारा कार्यान्वित किए जा रहे अखिल भारतीय आपात अलर्ट सिस्टम को जांचने हेतु भेजा गया है। इस सिस्टम का उद्देश्य सार्वजनिक सुरक्षा बढ़ाना और आपात स्थिति के दौरान समय पर अलर्ट प्रदान करना है।“
No comments:
Post a Comment